TANTI AUGURI MAMMA

SE TU FOSSI ANCORA FISICAMENTE TRA NOI NON AVRESTI VOLUTO SI PARLASSE DI TE NE'  SI  MOSTRASSERO TUE IMMAGINI; ti saresti arrabbiata per il tuo carattere schivo.
vorremmo ricordare l'affetto con cui ci hai cresciuto e ci sei stata vicina
perciò
 , come facemmo con il papà ( il suo non è in rima )

con lo scritto che segue    en dialett bardolines.

NOTA ,
 Nacque PER L TRAGUARDO DEL SUO NOVANTESIMO ANNO
MODIFICATA  QUANDO CI HA LASCIATI nel 2013 e ora  per quello che dovrebbe essere stato il suo novantaseiesimo genetliaco

ARPALICE

Te sere ormai rià ai novanta

E altri siè ghe  nè passà

e soto i ponti acqua tanta,

che ormai l’ha masenà.

Te ghe né vist dele bele

che val la pena de ricordar

ma ghe sta anca “cose”, quele,

che l’è mei desmentegar.

Quando te nasee a scola

Te te sentee fortunà:

le to scarpe le gavea la sola

fate aposta dal Leone,:to pupà.

Ala scola de laoro

Tra na canta e en rosari

te ornae con seda e oro

presiose trine per i altari.

Angonare, diai e spolete,

el ricamo el te piasea

la to arte le busete

ma gran poc le te rendea.

Dala Radio te emparae

melodie che te cantae

con la to os cristallina:
 le empienea  la cusina

.

L’era ottobre quasi passà

 come comandaa dotrina
el sio prete el va maridà

ti col Renso de matina.

Tante robe da lavar

Lavatrici no ghe n’era 

Se nasea al lavatoio o al quar

E po stender be   en postera

Quasi mai te sere sola

robe,   brela e la cariola:

ti la Bepa, la sia Gina

e  tante altre . . ( . ma no go miga la rima)

En    sdenocià a lavar e a pregar 

ma el' piassè l'era el fregar,

col bruschì e la varichina

el solar dela cusina

En vacansa poc te s’è nà

la pì bela camina'

l’era al lago ala matina

ti da sola al’aria fina.

Se la compagnia l’era bona

A piè o en bici  te se partia

a goderte  l’aria “pia”

ala Madona dela  Corona.

,

te nasee coi fioi en bapor
come premio passà l'istà
L’era sempre di  de  laor

Manco sent ! Mei se sta

 Sempre i conti  da far quadrar

 sul libret se notaa

dal botegher o dal   dal becar
poche olte  el dotor se ciamaa.

La nona  Maria i brodi la slongaa 

con  qualche versa che per i campi la cataa.

Ti te roersae i Paleto' e dele camise i coi

perché schei no ghe n’era per comprarli noi.

Quando te tocaafar da magnar
De quel che te fasee no te sere mai contenta:
“l’ho cota massa, l’è endrio de sal, dovea spetar
i'era mei farmei gnochi o el bacalà con la polenta i

Anca  se te ghee qualche vestito  da rimediar:

“Come me entendea no l’è vegnù

Lè'en  pocc,  en  figòt en grostò 

Sistemà en qualche modo, come ho podù.”

Leser  te sempre piasù  Fin che i oci i ha podù

Quotidiani , riviste o libri : rosa , giali o d ‘avventura

La cusina grassie a ti,...   la dentaa   sala  lettura

sempre mei  per tuti quanti che dentar “logo” tivvù !

Quasi tute te le done dopo messa prima,

le nasea en pressia a ca'à drio la cusina.
ti envesse dasà che te sere en bal
te comprae el cruciverba e anca el giornal.

Alora ghera ancora le Bampine

Con fora esposte vecie cartoline

Te vegnee a ca' dala strada pì longa

e te restaa nel cor el to lago e la preonda.

Col  tempo te n’è ensegnà

De no eser schavi dei schei

Ma anca che ci gh’è nà

I podaria star mei.

“Gheto altre”,” l’è na cagnara” “ a mi me par…”

“Pochi discorsi”, “ma ei discorsi da far?”,

BERTO ANA  VITO

No stè parlar per gnent ,stè bè, tasì e fè pulito!”

"Scoltè sa ve digo:

 Feme en piaser lasseme star

Mi sto bè chi alpè al fogolar

Vualtri né en do ghe da nar

Quando sì chi me dè da far

Ma, apena sì né ia

Co la vostra bataria

en po' de malinconia no la pol mancar"

No voi piaghe, niente basi: savì come so’

Me vegni en grop… en po' de magò

Vorìa vederve tuti i dì

Sì .. vorìa che fussi chi a BARDOLì.”

Ciao mamma, come stetu?

 stetu mei, setu contenta?

"Mah! Sa utu  che te diga,
 Tel sé anca ti, Che pì de eci no se diventa"

Ma ti, Ana, tegnete su: al telefono poc ho capì

Te se che so sorda, te ciamo  el Vito,

Lu, el me dirà piassè pulito.

Tel sé che  te penso e so sempre con ti"

No te ghe sperae ormai pì

ma te se dentà bisnona

Dal Nicola e dala Luciana

È nat Lorenzo, en bel putì.

(che te è podù sentir e cocolar anca ti)

Oltre a Nicola i altri neodi , che te è en po’ arleà,

ghe la Chiara che ormai la ensegna, la sà laureà

Michele el dormi de manco . perché el va a “laurà”

La Elisa , 31 ani ormai la ga : lè sempre al Cerris  ( l’è bè curà

i fa mei che se pol  e, sopratuto ,i ghe vol be'),

 Ma so mama e so papà se i podesse i le vorìa a ca'

Sul lungolago te piasea narghe anca se manco de spess

A respirar l’aria (en po’ manco fina)

Te ghe nasee  con tre gambee  te disee: l’è stess

E te vardae  el lago da qualche banchina.

Altre espressioni  o modi di dire di mamma:

"Manco mal che go la Ema"

"El Gigi no l’è mai strac de ciacolar cossì l’è sempre lì:

oggi parto domani vado via"

"Quela puteleta quando la va ia de ca' ghe passa tute le magagne"

"L’era chi adess con quant"

"Gran fati  che no pioa Signor? No… massa anca se l’è bela quando la vegni so pulito che la fa enfin el fum."
(Dicevi che anche il lago fumava quando la temperatura esterna si abbassava. Lo osservavi alla mattina presto quando andavi  a lavar le robe. Dicevi che era uno spettacolo come certe albe o al tramonto dopo un temporale)

.

24 Ottobre 2015

AB

.

.